Бастауыш сыныптағы жаңа жылдық шырша.

Жаңа жыл балалар үшін ең керемет, нағыз ғажайып ертегі әлемі! Содан болар балалар бұл мерекені асыға күтеді.
Бүгін, 25 желтоқсанда мереке қарсаңында бастауыш сынып оқушылары үшін «Он екі ай» атты жаңа жылдық театрландырылған ертеңгілік өтті.
Мерекелік дайындық жұмыстары ерте басталып кетті. Ұстаздар балалармен Жаңа жыл тақырыбында тақпақтар, өлеңдер, жаңа жылдық салт-дәстүрлер туралы түсіндіру жұмыстарын жүргізді.
Әдемі безендірілген шырша ерекше мерекелік көңіл-күй сыйлап тұрды. Ертегі кейіпкерлері - он екі ай, Машенька, өгей шеше, Марфуша, хабаршы, Ақшақарлар кештің ең әдемі кейіпкелері болды. Олар өз рөлдерін сомдап, ән айтып, би биледі. Барлық қойылымдар жарқын костюмдермен өтті. Бұл мұғалімдер мен ата-аналар арасындағы тығыз қарым-қатынастың айқын көрінісін көрсетті. Сонымен қатар кейіпкерлермен, қонақтармен өткізілген ойын түрлері қызықты, әрі әсерлі болды.
Аяз ата мен Ақшақардың шығуы әр баланың жан дүниесінде үлкен қуаныш пен шаттық сыйлады. Мерекенің ең қызықты сәті – балаларға жаңа жылдық сыйлықтардың табысталуы.