«Жүрекпен ести білу сыйы»

Ерекше балаларымыздың талантына, шынайылығына және шексіз мүмкіндіктеріне арналған «Жүрекпен ести білу сыйы» атты есеп беру концерті ерекше жылулықпен әрі толқыныспен өтті.Бұл кеш ең маңызды дүниені құлақпен емес, жүрекпен естуге болатынының айқын дәлелі болды. Сахнадан көрсетілген әрбір нөмір, әр қимыл мен әр эмоция балалардың жан жылуы, махаббаты мен тынымсыз еңбегіне толы болды.Тәрбиеленушілеріміз бен педагогтер көрермендерге ұмытылмас өнерлерін сыйлады: би, ым-ишара арқылы орындалған әндер және мейірімділікке, шынайылыққа әрі терең мағынаға толы шығармашылық нөмірлер ұсынылды. Әрбір қойылымның артында балалардың, педагогтердің және ата-аналардың орасан зор еңбегі, күнделікті қолдауы мен сенімі жатыр.Біздің балаларымызға қолдау көрсетіп, осы ерекше күнді бірге бөліскен барша жанға шынайы алғысымызды білдіреміз. Ыстық ықыластарыңызға, жылы лебіздеріңізге және шынайы қошеметтеріңізге рақмет!Сонымен қатар, бұл маңызды шараны жылы, жайлы әрі кәсіби атмосферада өткізуге мүмкіндік жасап, концерт залын ұсынғаны үшін Ақмола облыстық Үкілі Ыбырай атындағы филармониясының жетекшісі Шайкенова Нұргүл Ескендірқызына зор алғысымызды білдіреміз.Концерттік бағдарламаны безендіруге көмектесіп, мерекелік көңіл күй сыйлап, іс-шарамызға қолдау көрсеткені үшін Аминов Рустам Ахатұлына ерекше алғыс айтамыз.Сондай-ақ, концертіміздің жүргізушісі Құстангелдинов Данияр Сырымбетұлына жоғары кәсібилігі, шынайы жүргізуі, жүрекке жылы атмосфера қалыптастырғаны үшін алғыс білдіреміз.Концерт туралы ақпарат таратып, ақпараттық қолдау көрсеткен ақпараттық алаңдарға да ризашылығымызды білдіреміз. Сіздердің арқаларыңызда осындай игі әрі маңызды шаралар жайлы көпшілік хабардар болады.«Жүрекпен ести білу сыйы» — бұл жай ғана концерттің атауы емес. Бұл — шынайы күштің мейірімділікте, түсіністікте және махаббатта екенін еске салатын ерекше мағына.