Өнер мен руханият әлеміне саяхат

Балалар Әдебиет және өнер музейіне танымдық экскурсия жасап қайтты.Экскурсия барысында оқушылар мәдениет пен руханият әлеміне терең бойлап, әдебиет және өнер музейінің бай қорымен танысты. Музей экспозицияларында халқымыздың көрнекті ақын-жазушылары мен суретшілерінің өмірі мен шығармашылығына арналған құнды жәдігерлер, кітаптар, қолжазбалар мен өнер туындылары ұсынылды.Балалар ерекше қызығушылықпен экспонаттарды тамашалап, экскурсия жетекшісінің мазмұнды әңгімелерін тыңдады. Олар көптеген жаңа мәліметтер алып, әдебиет пен өнердің адам өміріндегі маңызы туралы түсініктерін кеңейтті. Сонымен қатар оқушылар тарихи тұлғалардың еңбектерімен танысып, ұлттық мәдени мұраға деген құрмет сезімдерін арттырды.Осындай танымдық кездесулер балалардың эстетикалық талғамын қалыптастырып, шығармашылық қабілеттерін дамытуға, кітап оқуға деген қызығушылығын оятуға ықпал етеді. Музейге жасалған саяхат оқушыларға жарқын әсер қалдырып, жаңа білім мен шабыт сыйлады.