«9–10 сынып оқушыларының кәсіби бағдарлау экскурсиясы: Көпсалалы инновациялық колледжді таныстыру»

Есту және сөйлеу қабілеті бұзылған балаларға арналған № 4 арнайы мектеп-интернатының 9-10 сынып оқушыларының кәсіптік бағдар беру жұмысы аясында көпсалалы инновациялық колледжге бару ұйымдастырылды.
Экскурсия барысында білім алушылар колледждің материалдық-техникалық базасымен, оқу ғимараттарымен, жатақханамен, сондай-ақ іске асырылатын мамандықтар тізімімен танысты. Колледж өкілдері дайындық бағыттарын жан жақты түсіндірді, олардың ішінде есту және сөйлеу қабілеті бұзылған білім алушылар үшін ең қолайлы мамандықтарға ерекше назар аударылды.
Балалар үшін тігін бағыты бойынша мастер кластар ұйымдастырылды. Білім алушылар процеске қызығушылықпен және зейінмен кірісті, жұмыстарды орындау кезеңдерімен танысты, колледждің 1-3 курс студенттері дайындаған түрлі киім үлгілерін сынап көрді. Іс-шараның практикалық бөлігі барысында оқушылар өздері дайындаған бұйымдарын өздерімен бірге алып кете алды. Бұл бағыт балалардың қызығушылығы мен жағымды эмоцияларын тудырды.
Сонымен қатар, білім алушылар 1-2 курс студенттері дайындаған өнімдермен танысып, оның дәмін тата алды. Балалар ұсынылған өнімнің сапасы мен дәмдік сипаттамаларын жоғары бағалады.
Кездесу барысында оқуға түсу және оқу шарттары туралы ақпарат ұсынылды: оқыту тегін негізде, түсу емтихандарысыз жүзеге асырылады; жатақханада тегін тамақтану және тұру көзделген, Стипендиялар төленеді, сондай-ақ студенттерге жол жүруге ақшалай қаражат беріледі.
Колледжге бару білім алушылардың одан әрі кәсіптік оқыту мүмкіндіктері туралы түсініктерін кеңейтуге ықпал етті. Ұсынылған мамандықтар балалардың қызығушылығын тудырды, олардың көпшілігі болашақта осы колледжге түсу мүмкіндігін қарастыруға дайын екендіктерін білдірді.