Әдістемелік бірлестігінің Психологиялық-педагогикалық қолдау қызметі «Әлем қанаты: әуе саяхаты апталығы» апталығының жабылуы.

 Мектеп-интернатта 21 ақпан күні "Психологиялық-педагогикалық сүйемелдеу қызметі" әдістемелік бірлестігінің "Әлем қанаттары: әуе саяхаты апталығы"атты ашық апталығы аяқталды. Апта бойы әріптестер тәжірибелерімен бөлісті, ашық сабақтар, сыныптан тыс іс-шаралар өткізді, сабақтарды талдау кезінде арнайы білім берудегі жаңа әдістемелер мен тәсілдер талқыланды. Салтанатты жабылу мектептің тақырыптық безендірілген залында өткізілді, оқушыларға өткізілген іс-шаралардан бейнероликтер көрсетілді, белсенді қатысқаны үшін грамоталар табысталды. Әдістемелік бірлестіктің педагогтары әуе кемесінің экипажы түрінде, капитан, ұшқыш және стюардессалар рөлінде әдемі би биледі.
Барлық қатысушыларға, педагогтарға, оқушыларға белсенді қатысқаны және біздің білім беру мекемесінің дамуына қосқан үлесі үшін шын жүректен алғысымызды білдіреміз. Алынған тәжірибе мен жаңа білім одан әрі жұмыс істеуге және арнайы білім беру бағдарламаларын дамытуға негіз болады.